ފަނަރަ ބޭހެއް ބޭނުން ކުރުމުގައި މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ) އިން ސަމާލުވާން އަންގައިފި އެވެ.

އެ އޮތޯރިޓީ އިން މިއަދު ނެރުނު އެލާޓެއްގައި ވަނީ ތައިލެންޑުގައި ބޭސް އުފައްދަމުން އަންނަ ކުންފުންޏެއް ކަމަށްވާ 'ސެވަން ސްޓާސް ފާމަކިއުޓިކަލް' އިން ބޭސް އުފެއްދުމަށް ބޭނުންކޮށްފައިވާ ސޯބިޓަލް (އެކްސްޕިއެންޓެއް)ގައި ނުރައްކާތެރި ކެމިކަލްގެ މާއްދާއެއް އެކުލެވިގެންވާ ކަމަށެވެ.

ތައިލޭންޑުގެ ބޭސް ރެގިއުލޭޓް ކުރާ އޮތޯރިޓީ ތަކާއި އެފްޑީއޭ އިން ރިކޯލް ކޮށް އެމްއެފްޑީއޭ އާ ވަނީ ހިއްސާަކޮށްފަ އެވެ.

އެ އޮތޯރިޓީން ބުނީ ސެވަން ސްޓާސް ފާމަސިއުޓިކަލް ކުންފުނީގެ އެ ބޭސްތަކަކީ ރާއްޖެއަށް އިމްޕޯޓް ކުރުމާއި ވިއްކުމަށް ހުއްދަ ކުރާ ލިސްޓުގައި ހިމެނޭ ބޭސްތަކެއް ނޫން ކަމަށެވެ. ނަމަވެސް އެ ގައުމަކީ ދިވެހީން ބޭސްފަރުވާއަށް ގޮސް އުޅޭ ގައުމަކަށްވުމުން ބައެއް ހާލަތްތަކުގައި އަމިއްލަ ބޭނުމަށް އެ ގައުމުން ބޭސް އެތެރެކުރާ ކަމަށް އެ އޮތޯރިޓީން ބުންޏެވެ.

ބޭސް ސިޓީއަށް ބޭސް އެތެރެކުރާއިރު ހާއްސަ ސަމާލުކަމެއް ދީގެން ޕޯޓް ތަކުގައި ބަލާ ފާސް ކުރަމުންދާނެ ކަމަށް ވެސް އެ އޮތޯރިޓީން ބުންޏެވެ. މިކަމާ ގުޅޭ އެއްވެސް މައުލޫމާތެއް ސާފު ކުރަން ބޭނުންވާނަމަ އެ އޮތޯރިޓީގެ ހޮޓްލައިން ނަންބަރު 7200321 ގުޅާ މައުލޫމާތު ސާފު ކުރުމަށް އެދިފައިވެ އެވެ.

އެމްއެފްޑީއޭ އިން ސަމާލުވުމަށް އަންގާފައިވާ ބޭސް ތަކުގެ ތެރޭގައި ކުޑަ ކުދިންނަށް ދޭ ބޭސް ވެސް ހިމެނެ އެވެ.